Республикыштына балет туныктышо-влакым икымше гана ямдылен луктыныт.

Э.Сапаев лӱмеш Марий опер да балет академический театрыште И.С.Палантай лӱмеш тӱвыра да сымыктыш колледжын Бауман лицей пеленысе «Хореографическое искусство» да МарГУ-со «Педагогика балета» направленийлам тунем пытарыше-влаклан дипломым кучыктеныт.

Кӱшыл шинчымашан дипломым лу еҥ налын: кандашын Марий Эл гыч улыт да коктын – Чуваш Республик гыч. Ынде нуно балет искусствым молыланат туныктен кертыт.

Колледжын тунемшыже-влак икмыняр ий опер да балет театрын труппыштыжо куштеныт но ынде специалист семын ты пашам шукташ тӱҥалыт.