«Пӱнчӧ памаш» ласкалыкым пӧлекла

Какшамарий ял деч тораште огыл «Пӱнчӧ памаш» верланен. «Марий шӱшпык» ансамбльна ынде иктаж лу ий утла  тиде памашым эскерен шога.  Кажне ийын ме тудым тӱзаташ, йырже эрыкташ коштына. Тений  19-ше майыште миенна.  А ӱмаште капитальный ремонтым ыштенна. Тысе  калык  да уна-влак лӱмынак  тушко вӱдлан да йӱштылаш коштыт. Верысе школышто музык урокым  туныктышо Александра Николаевна Копейкина илмыж годым тиде памаш нерген «Сосновый родник»  мурым возен.

А икымше гана тиде памашым Михаил Андреевич Скворцов, Анатолий Васильевич Судеркин, Николай Семенович Майоров, Юрий Евгеньевич Плотников да  моло илалше пӧрьеҥ-влак  ачаленыт. Тыште моткоч сылне, чоным кандарыме вер.