Мемнан Сеҥымаш кечына

26 апрельыште – Марий талешке кечын – «Сеҥымаш кече» муро Юл кундем федеральный округышто рушла да марла йоҥгаш тӱҥалеш.

9 Май пайрем вашеш Россий президентын Юл кундем федеральный округысо (ПФО) полномочный представительжын темлымыж почеш шкешотан акцийым увертарыме. Тудо «Мемнан Сеҥымаш кечына» («Наш День Победы») маналтеш да муро марафон семын эрта. 8 май марте Юл кундемысе чыла регонышто Сеҥымаш муро тӱрлӧ калыкын йылмыж дене йоҥга. Тӱҥалтышым 25 апрельыште Мордовий ыштен.

Акцийын эртымыжым мемнан сайтыштат эскерен кертыда – тыште видеоклип-влакым вераҥдаш тӱҥалына. Социальный сетьлаште, ютуб-каналыште мурым йоҥгалтарымым #песнипобедыПФО #нашденьпобеды хэштег почеш муын, ужаш да колышташ лиеш.

«Сеҥымаш кече» мурым марла Я.Эшпай лӱмеш Марий кугыжаныш филармонийын артистше-влак «Марий кундем» калык семӱзгар оркестрын шоктымыж почеш мурат.

МЭТР телеканалын сюжетше: