Марий Элыште мужыранаш шонышо-влак йодмашым Госуслуги портал гоч пуэн кертыт. Тидым сӱан кече деч 13 тылзе ончыч ышташ лиеш.
Тачысе илышын ойыртемже сӱан йӱлашкат вашталтышым пуртен. Ончыч шинча вочмо деч аралалтме шот дене оръеҥын чурийым шовыч дене петыреныт гын, кызыт ӱдыр веле огыл, качат маскым чийышаш.
Йошкар-Оласе администрацийын ЗАГС пӧлкаштыже апрелыште 54 у еш «шочын». Майын пел тылзыштыже 21 мужыр ушнен.»