Марий Эл гыч – Ханты-Мансийскыш

21-25 майыште Ханты-Мансийск оласе Югорский кугыжаныш университетыште VIII «Финно-угор шошо –  2019» ту»нямбал молодежь фестиваль эртаралтеш.

Тидын годымак «Финно-угорские встречи на Югре» форум да «Мисс студенчества Финно-Угрии — 2019» тӱнямбал конкурс лийыт. Тушко Марий Элын чапшым аралаш МарГУ-н Калыкле тӱвыра да тӱвыра кокласе кыл институтышто кокымшо курсышто тунемше Маргарита Кутасова арала. Маргарита Павловна –  Сеҥымашын ХХХ идалыкше лӱмеш тӱвыра полатын балетмейстерже, «Акварель» эстраде куштымаш ансамбльын преподавательже.

«Мисс студенчества Финно-Угрии — 2019» коронож верч кандаш ӱдыр таҥасаш тӱналеш. Югра шӱдӧ утла унам Карелий, Коми, Мордовий, Марий Эл, Удмуртий да Ямал Республикыла гыч вашлиеш. Интернет кыл дене «Ончышо-влакын симпатийышт» йӱклымашке ушнаш лиеш. Фестиваль ден конкурс годым мастер-класс, тӱрлӧ модыш, пайдале вашлиймаш-влак темлалтыт.

Маргарита Кутасовалан сеҥымаш дене пӧртылаш тыланена. Туддене вес номерыште кумданрак палдарена.