Кримувер. Тӱткӧ лийза!

Йошкар-Оласе вургем ужалыме кевытыште манекен гыч курткым шолыштыныт. Видеокамерым ончымеке, пале лийын: пӧръеҥ шке курткыжым улан алмаштен каен. Титаканым муыныт. Тудо Медведево посёлкышто илыше, ондак судитлалтше 38 ияш пӧръеҥ лийын.

Йошкар-Олаште 39 ияш пӧръеҥ кафеште палыдыме еҥ-влак дене аракам йӱын. Ик жап гыч банк картыже уке лиймым умылен. Тушеч 25 тӱжем теҥгем налыныт.

Медведево районышто илыше 52 ияш ӱдырамашлан банк пашаеҥ улам манын йыҥгыртеныт. Тудын банк картшын данныйжым пален налыныт да карте гыч 53 тӱжем теҥгем шолыштыныт.