Йошкар-Олаште 22 июньышто аза ванныйыште вӱд йымак каен колен. Самырык ава изи йочам жаплан шкетшым коден. Пошкудо-влакын ойлымышт почеш, ты пачер гыч чӱчкыдын йӱкын музык йоҥген. Колымаш шотышто правоохранительный орган-влак тергымашым эртарат.
Звенигово районысо Трубный посёлко гыч 19 майыште 80 ияш ӱдырамаш мӧҥгыж гыч лектын каен. 22 июньышто чодыраште тудын капшым муыныт.
Медведево район Лӱльпан ял воктене 17 ияш рвезын капшым муыныт. Судебно-медицинский экспертизым ыштышаш улыт. Следственный комитет тергымашым эртара.