Таче «Кугарня» газет редакцийын пашаеҥже-влак Марий аварийно-утарыше службыш миеныт. Ты службо вуйлатышын оперативный паша шотышто алмаштышыжлан Николай Станиславович Самойлов тырша.
Тудо тиде службо нерген, кеҥежым шуктымо пашашт дене палдарыш. Тыгак кугарнязе-влак утарыше-влакын пашаштым сайынрак умылаш манын, Изи Какшан эҥерыш катер дене рейдыш лектыныт. 
Пляжла воктене ийын эртеныт, еҥ-влакын вӱд воктене шкем кузе кучымыштым эскереныт. Вӱд воктене еҥ шуко лийын. Икте колым кучен гын, весе канен. Тыгодым йӱштылшӧ-влакат лийыныт.
Газетнан лишыл номерыштыже кумданрак фотокорреспондент Иван Речкин палдара.