Марий Эл Республикысе шымше созыв Кугыжаныш Погын депутатыш кандидат-влакын лӱмышт пале лийын.
Тиде сайлымаш кампаний годым чылаже 394 кандидатым регистрироватлыме. Ик мандатан избирательный округла деч 166 еҥ депутат лийнеже. Тушеч 7 еҥ шкенжым шке темлен, молышт партийла гоч каят. Республикысе округ гыч куд партийын темлыме 228 кандидатым регистрироватлыме.
Палемдена: 2019 ий 8 сентябрьыште – Сайлымаш кече. Кугыжаныш Погыныш депутат-влакым сайлаш тӱҥалына.
Регистрироватлалтше кандидат ден избирательный объединений-влак коклаште яра да оксала вераҥдыме площадьым пуымо шотышто газет редакцийыштына 6 августышто шеревам кышкыме. Вер-влак тыге лектыч:
