Йошкар-Олаште – у автовокзал

 Марий Эл Правительстве пӧртыштӧ эртаралтше совещаний годым Йошкар-Оласе автовокзал нерген йодышым тарватеныт.

Транспортно-пересадочный верлан 870 квадрат метран ик пачашан административный зданийым пуаш шонат. Индеш перрон, 35 автобуслан шогалаш посна вер, легковой машиналан парковко да кассе зоно лийыт. Автовокзалын тичмаш кумдыкшо 11000 кв.метр лийшаш. Вер шотышто але кокытеланымаш уло: ондакысе верыштак кодаш але «Yolka» ужалыме рӱдер лишан ышташ.