«Инстамарий» ÿдыр-влак


Блогер Анастасия Ишманова Instagram социал кылыште «Инстамарийки» марафоным эртара. Тышке марий ÿдыр-влак,#инстамарийки хэштегым палемден, шке фотоштым колтылыт да тÿрлö заданий-влакым ыштат.

Паша-влакым жапыштыже да сайын шуктышо ÿдыр сеҥыше лиеш.
«Марафонын тÿҥ шонымашыже – марий калыкым чапландарымаш. Марий ÿдыр-влак кö улмышт деч ынышт вожыл, шке калыкыштым пагалышт, кугешныме кумылым шижышт.. Марафоныш 80 ÿдыр ушнен. Нуно уло кумылын постым ыштат. Тиде куандара. Лачак спонсорым муаш нелырак. Но ÿдыр-влак шерге пöлек верч огыл, а чон йодмо почеш таҥасат шонем», – ойла Настя.