Идалык тӱҥалтыш гыч Марий Элыште военнослужащий-влаклан пачерым налаш 417 миллион теҥгем ойыреныт. «Жилищное субсидирование» программе почеш 57 военнослужащийлан пачерым пуэныт.
Кум йоча деч шукырак шочшан еш-влаклан илаш верым черет деч посна ойырат. Тений латкум тыгай еш пӧртсийым палемден. Программе почеш еш-влак у да тошто пачерым але шке проект почеш чоҥаш пӧртлан оксам налын кертыт.
Россий Минстрой 2020 ийын икымше пелийыштыже илыме верын 1 кв. метржылан акым пеҥгыдемден. Тудо 46013 теҥгеш шуэш. Тидыже 2019 ий кокымшо пелий деч 880 теҥгелан шергырак. Кум да утларак йочан ешлан кокла шот дене 9,5 млн. теҥгем пуат.