Кажне ийын эртаралтше «Народный участковый» всероссийский конкурсын икымше этапше мучашлалтын.
11-20 сентябрьыште онлайн-йӱклымашын икымше туржо лийын.
Марий Эл гыч икымше этапыште 16 участковый полиций пашаеҥ шке вийжым терген.
Эн шуко йӱкым Александр Левин (Росий МВД-н «Волжский» МО-жо ) поген – 795.
Кокымшо верыште Козьмодемьянск ола гыч Кирилл Обухов (663 йӱк), кумшо верыште Шернур районысо 5-ше пӧлка гыч Иван Николаев (317 йӱк) .
Икымше этапыште сеҥыше 13 еҥ 7-16 октябрьыште эртаралтше кокымшо йӱклымаште уэш таҥасаш тӱҥалыт. Кудо участковыйжо утларак тиде лӱмым сулен шонеда – 12.мвд.рф сайтыште йӱклыза.