МарГУ Российысе да тӱнямбалысе ятыр шанче рӱдер дене кылым куча.
Нунын кокла гыч Москосо физико-технический институт, Кантабрийысе университет (Испаний) да молат. Марий кугыжаныш университет ден академик А.Л.Мицин лӱмеш радиотехнический институт шуко ий пырля пашам ыштеныт, кугыжаныш оборонный заказ-влакым ямдыленыт.
«Технотех» печатный платым ямдылыше да «Ната-Инфо» электронный таблом ыштыше кампаний-влак дене пырля пашам ышташ кутырен келшыме. Вара тӱрлӧ оборудованийым ямдылаш тӱҥалыт, а студент-влак стажировкым нине предприятийлаште эртен кертыт. Тушто опытым погышо студент-влак кӱкшын аклыме пашаеҥвлак лийыт.
МарГУ-н сайтше гыч налме фото.