19-22 майыште Кострома областьысе курчак театр регион-влак коклаште «Кукольный остров» онлайн-фестивальым организоватлен ыле.
Конкурсын условийже почеш ты онлайн-фестивальыште театр деч ик артист гына выступатлен кертын. Тудо шке театрже, спектакльже нерген каласкален, тыгак тудым ненчыше але ямдылыше еҥ нерген ойлен, мурым мурен, куштен але спектакль гыч монологым лудын.
Республикна деч ты конкурсышто Марий Элын калык артисткыже Галина Ковалёва участвоватлен. Тудо «Котёнок на снегу» спектакль гыч Вещая Воронан рольжым модын ончыктен. Г.Ковалёва ончышо-влакын йӱклымашышт почеш «Эн сай актёр» номинацийыште ойыртемалтын.
Тылеч посна «Эн сай курчак» лӱм дене Саранск ола гыч «Крошка» театр да кино рӱдерын Козлик курчакшым палемденыт. А шӱм-чоным савырыше театрлан Саратов областьысе Хвалынск ола гыч «Лель» театрым шотлымо.