«МЭТР» телеканалыште октябрь мучко «Театральное Приволжье» фестивальыште таҥасыше спектакль-влакым ончыктат. Юл кундем федеральный округышто школ да студент театр-влакын «Театральное Приволжье» фестивальышт эртаралтеш. Регионла гыч 28 эн сай спектакльым ойырен налме. Марий Эл гыч тушко И.С.Палантай лӱмеш тӱвыра да сымыктыш колледжын 4-ше курсыштыжо тунемше студент-влакын «Мой бедный Марат» да Козьмодемянскысе «СемьЯ» йоча театр студийын «Неужели меня нет» спектакльышт логалыныт.
Округысо чыла 14 регион гыч сеҥышыш лекше спектакль-влакын видеоверсийыштым «Театральное Приволжье» проектын сайтыштыже (http://театральноеприволжье.рф), тыгак 1 октябрь гыч «МЭТР» телеканалыште кажне кечын 19.30 шагатлан увер передаче деч вара ончаш лиеш.
Округысо фестивальын финальный этапше ноябрьыште лиеш. Сеҥышым СМС-йӱклымаш почеш палемдат.
Ончыза:
2 октябрьыште – «Мой бедный Марат». Марий Эл Республикысе И.С.Палантай лӱмеш тӱвыра да сымыктыш колледжын 4-ше курсыштыжо тунемше студент-влак модыт.
3 октябрьыште – Ж.Б.Мольерын комедий пьесыж почеш шындыме «Лекарь поневоле» спектакльым. Саранск оласе «ИНКогнито» театр-студий (Н.П.Огарёв лӱмеш Мордовский кугыжаныш университетын национальный тӱвыра институтшо) модеш.
4 октябрьыште – Сюмбель Гаффарован пьесыж почеш шындыме «Парковка» спектакль. Озаҥ оласе тӱвыра кугыжаныш институтын 3-шо курсыштыжо тунемше-влак модыт.
5 октябрьыште – Александр Володинын «С любимыми не расставайтесь» пьесыж почеш шындыме драме. Удмурт Республик Воткинск оласе «Юбилейный» тӱвыра полатын калык театрже модеш.
6 октябрьыште – Анджела Неттин повестьше почеш шындыме «Мой дедушка был вишней» спектакль. Чебоксар оласе Межвузовский студенческий театр (И.Н.Ульянов лӱмеш Чувашский кугыжаныш университет) модеш.
7 октябрьыште – В.Шукшинын ойлымашыже почеш «Признание» («Далекие близкие») спектакль. Пермь оласе «17-я скрипка» авторский студенческий театр (Пермский кугыжаныш национальный исследовательский политехнический университет).
8 октябрьыште – Шарль Перон произведенийжын классический огыл интерпретацийже – «Красная шапочка» спектакль. Киров оласе Вятский тӱвыра колледжын Калык учебный театрже модеш.
9 октябрьыште – Нил Саймонын «Дураки» пьесыж почеш чынла огыл чучшо историй. Угарман область Заволжье оласе тӱвыра полатын «Зеркало» миниатюро калык молодежный театрже модеш.
10 октябрьыште – Валентин Катаевын пьесыж почеш «Квадратура круга» спектакль. «Горицвет» калык студенческий театр (Оренбург оласе кугыжаныш медицине институт) модеш.
11 октябрьыште – М.А.Булгаковын «Записки юного врача» ойлымаш-влак циклже почеш спектакль. «Кириллица» студенческий театр (Пензенский кугыжаныш университет) модеш.