Чон гыч лекше мутем…

Кужэҥер район Руш Шой кыдалаш школышто «Чон гыч лекше мутем…» вашлиймаш эртаралтын.
Тушто «Кугарня» газетын пашаеҥже-влак ныл секций дене пашам ыштеныт. Икымше секцийыште йоча-влак почеламутым возаш тунемыныт гын, кокымшышто — статьям возен онченыт, фотоурок лийын. Тыгак марий модыш-влак дене модыктенна, волейбол дене турнир лийын. Школ дене пырля пашам келшен ыштыме шотышто договорым подписатлыме.
Ты пайремым чумыраш полшымылан Кужэҥер районысо Руш Шой школын администрацийжылан, директор А.Э.Репинлан, школ коллективлан, районысо образований отделыште вӱдышӧ специалистлан ыштыше И.В.Романовалан да кӧ ты вашлиймашым тыге сайын эртарен колташ шке надыржым пыштен — редакций лӱм дене чылаштлан тауштена. Тунемше да туныктышо-влак, чапле концерт программыда кужулан ушешна шарналт кодеш. Ӱшанена: тыгай вашлиймаш гоч йочан чонышкыжо пыштыме туто пырче сай саскам пуа.