«Корона» йоча-влакымат ок чамане

COVID-19 инфекций озаланыме пагыт кажне еҥын кöргö вий-куатшым терга. Шуко еҥ деч вуйшиймашым колаш логалеш: иктын паша уке, весын чытыш пытен… Но ты пашаште тыршыше-влак нелылык нерген ойлаш да шонкалаш огыт ярсе.

Сайымат ужаш тунемза

Тÿняште у чер нерген увер миллион дене еҥ-влакын илышыштым вашталтен. Кок тылзе жапыште мемнан тÿняужмашна, койышна вес тÿрлö лийыныт. Тылеч ончычсо илыш-йÿлана йöршын у сыным налын.