Михаил Матвеев

«Йочам-шамычым вес олашке илаш колтымем ок шу», — ойла тачысе юбилярна, Республикын тӱвыра, печать да калык-влакын пашашт шотышто министржын алмаштыже М.И.Матвеев.

– Самырык годым тиде могай кугу ийгот манын шоналтын. Но илен шумеке умылет: нимат шуко огылыс. Мый кугу вашталтышым шижмаш уке, но воштончышыш ончалат гын, ужат: 50 ий – тиде шагалжак огыл. А вачымбалне илыш опыт погына. Шеҥгек савырен ончалат гын, ик могырым «Самырык годым мый мом паленам?» манын шоналтет.