17 июль марте

Марий Элыште коронавирус шарлыме деч шекланыме жапым 17 июль марте шуеныт.
Республик вуйлатыше А.Евстифеевын чер ваштареш кучедалме шотышто 17 мартыште лукмо указышкыже вашталтыш-влакым пуртымо. Тудын дене келшышын, республикыштына ондаксе семынак тӱшкан погынымо мероприятий-влакым эртараш чарыме.
27 июнь гыч Марий Элыште икмыняр чарымашым кораҥденыт. Ынде 800 квадрат метр марте кумдыкан кевыт-влак пашам ыштен кертыт. Тыгак пӱйым эмлыше да спорт рӱдер-влаклан пашам ышташ йӧным пуэныт. Тыгодым тушто вирус шарлыме деч чыла мерым шуктышаш улыт.
Пандемий тӱҥалтыш гыч Марий Элыште коронавирус чер деч 12500 утла еҥ эмлалт лектын.